Die ontstaan van Laerskool Cloetesville

Dié skool het 16 Julie 1969 met 630 leerders en 17 onderwysers begin. Teen 1971 het die getalle na 1 200

leer ders en 39 onderwysers gegroei.

Die skoolhoof, Rodger Cupido, beskryf Laerskool Cloetesville as ’n “moeder skool” omdat die skool gelei

het tot die totstandkoming van ander skole in Cloetesville. “Hoërskool Cloetesville het as gevolg van dié

skool ontstaan. Van die onderwysers wat hiér was, het saam met die leerders na die hoërskool in 1979 oor ‐

beweeg. Ons skool se getalle het te groot geraak om al die leer ders te huisves. Die Wes-Kaapse

Onderwysdepartement (WKOD) het besluit om nog twee laerskole, Pieter Lange veldt en Rientenbosch

Primêr, te bou.”

By die skool se 40ste bestaansjaar in 2009 het die WKOD besluit om die skool te herbou. Tot ongeveer agt

jaar gelede het die skool uit slegs tydelike geboue bestaan.

“Die skool sou aanvanklik net vir 10 jaar in gebruik gewees het aangesien dit nie met bakstene gebou was

nie. Ná vele onderhandelings, stres, trane en druk deur die voor malige skoolhoof, Abraham Samuels, het die

WKOD besluit om ’n nuwe skoolgebou op te rig.”

Die skool het tans 26 onderwysers en 699 leerders wat hoofsaaklik van Cloetesville en Kayamandi is.

Cupido het verskeie doelwitte vir die skool oor die volgende paar jaar. Hulpbronne is egter beperk, gegewe

dat dit ’n geen-fooi-skool is.

Een van hierdie doelwitte is om al die leerders aan e-leer-middele bloot te stel. Die skool het tans e-leertoerustings

in agt klaskamers.

“Dis ’n prioriteit om al ons leerders aan e-leer in die klaskamer bloot te stel. Jy prikkel altyd hul aandag met

visuele dinge en hulle leer soveel makliker,” vertel Cupido.

Die skool het grond, maar nie ’n sportterrein nie en Cupido sê nóg ’n doelwit is om die sportterrein te

ontwikkel sodat die skool al die sportkodes by die skool self kan aanbied.

Die leerders gebruik tans Cloetesville-sportterrein, wat verskeie uitdagings meebring. “As hulle hier by die

skool sport kan beoefen, sal dit hulle motiveer om deel te neem. Ons sal dit baie beter kan beheer en sal

ander skole ook kan nooi. Ons het baie talentvolle kinders.”

Omdat dit ’n geen-fooi-skool is, maak hulle baie op geld insamelings staat.